Ayoyin Littafi Mai Tsarki game da The Death of the Wicked

Zedekiya yana da shekara ashirin da ɗaya sa’ad da ya zama sarki, ya kuma yi mulki a Urushalima shekara goma sha ɗaya.

Ya yi abin da yake mugu a gaban Ubangiji Allahnsa kuma bai ƙasƙantar da kansa a gaban Irmiya annabi, wanda ya yi magana kalmar Ubangiji ba.

Ya tayar wa Sarki Nebukadnezzar, wanda ya sa ya yi rantsuwa da sunan Allah. Ya zama mai kunnen ƙashi da kuma taurin zuciya, bai kuwa juye ga Ubangiji, Allah na Isra’ila ba.

Tsoro duk ya kewaye shi ta kowane gefe yana bin shi duk inda ya je.

Masifa tana jiransa; bala’i yana shirye yă fāɗa masa a lokacin da zai fāɗi.

Ya cinye wani sashe na gaɓar jikinsa; ɗan fari na mutuwa ya cinye ƙafafunsa.

An yage shi daga zaman lafiyar da yake yi a cikin tentinsa aka sa shi tsoro sosai.

Wuta ta cinye tentinsa; farar wuta ta rufe wurin da yake zama.

Attajiri zai kwanta, amma daga wannan shi ke nan; lokacin da zai buɗe idanunsa, kome ya tafi.

Tsoro zai kwashe shi kamar ambaliyar ruwa; Da dare iska za tă tafi da shi.

Iskar gabas za tă tafi da shi; shi ke nan ya ƙare; za tă share shi daga wurinsa.