Saamu114

Ọlọ́run Ṣamọ̀nà Ísírẹ́lì Jáde Kúrò ní Íjíbítì

Nígbà tí Israẹli jáde ní Ejibiti, ilé Jakọbu láti inú ènìyàn àjèjì èdè

Juda wà ní ibi mímọ́, Israẹli wà ní ìjọba.

Òkun sì rí i, ó sì wárìrì: Jordani sì padà sẹ́yìn.

Àwọn òkè ńlá ń fò bí àgbò àti òkè kéékèèké bí ọ̀dọ́-àgùntàn.

Kí ni ó ṣe ọ́, ìwọ Òkun, tí ìwọ fi wárìrì? Ìwọ Jordani, tí ìwọ fi padà sẹ́yìn?

Ẹ̀yin òkè ńlá kí ló dé ti ẹ fi ń fò bí àgbò, àti ẹ̀yin òkè kéékèèké bí ọ̀dọ́-àgùntàn?

Wárìrì, ìwọ ilẹ̀, níwájú Olúwa; ní iwájú Ọlọ́run Jakọbu

tí ó sọ àpáta di adágún omi, àti òkúta-ìbọn di orísun omi.

Use ← → arrow keys to navigate