Kiswahili

Zaburi 3

Taabu na dhihaka 1–2

1
Zaburi ya Daudi. Alipomkimbia mwanawe Absalomu. Ee Bwana, tazama adui zangu walivyo wengi! Ni wengi kiasi gani wanaoinuka dhidi yangu!
2
Wengi wanasema juu yangu, “Mungu hatamwokoa.”

Kumtumaini Mungu kuwa ngao yangu 3–4

3
Lakini wewe, Ee Bwana, ni ngao pande zote; umeniwekea utukufu na kuinua kichwa changu.
4
Ninamlilia Bwana kwa sauti kuu, naye ananijibu kutoka mlima wake mtakatifu.

Usingizi wa amani katikati ya hatari 5–6

5
Ninajilaza na kupata usingizi; naamka tena, kwa maana Bwana hunitegemeza.
6
Sitaogopa makumi elfu ya adui, wanaojipanga dhidi yangu kila upande.

Maombi ya kuomba wokovu wa Mungu 7–8

7
Ee Bwana, amka! Niokoe, Ee Mungu wangu! Wapige adui zangu wote kwenye taya, vunja meno ya waovu.
8
Kwa maana wokovu watoka kwa Bwana. Baraka yako na iwe juu ya watu wako.

Maandiko ya Biblia: Biblica® Open Kiswahili Contemporary Version (Neno: Bibilia Takatifu)™, © 1984, 1989, 2009, 2015 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.