Kiswahili

Zaburi 129

Uvumilivu wa Israeli Katika Taabu 1–4

1
Wimbo wa kwenda juu. Wamenionea mno tangu ujana wangu; Israeli na aseme sasa:
2
wamenionea mno tangu ujana wangu, lakini bado hawajanishinda.
3
Wakulima wamelima mgongo wangu, na kufanya mifereji yao mirefu.
4
Lakini Bwana ni mwenye haki; amenifungua toka kamba za waovu.

Ombi la Hukumu Juu ya Maadui wa Sayuni 5–8

5
Wale wote waichukiao Sayuni na warudishwe nyuma kwa aibu.
6
Wawe kama majani juu ya paa, ambayo hunyauka kabla hayajakua;
7
kwa hayo mvunaji hawezi kujaza vitanga vyake, wala akusanyaye kujaza mikono yake.
8
Wale wapitao karibu na wasiseme, “Baraka ya Bwana iwe juu yako; tunakubariki katika jina la Bwana.”

Maandiko ya Biblia: Biblica® Open Kiswahili Contemporary Version (Neno: Bibilia Takatifu)™, © 1984, 1989, 2009, 2015 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.