Kiswahili

Zaburi 122

Kufika Yerusalemu kwa Furaha 1–2

1
Wimbo wa kwenda juu. Wa Daudi. Nilishangilia pamoja na wale walioniambia, “Twende nyumbani ya Bwana.”
2
Ee Yerusalemu, miguu yetu imesimama malangoni mwako.

Kusudi la Mji Mtakatifu 3–5

3
Yerusalemu imejengwa vyema kama mji ambao umeshikamanishwa pamoja.
4
Huko ndiko makabila hukwea, makabila ya Bwana, kulisifu jina la Bwana kulingana na maagizo waliopewa Israeli.
5
Huko viti vya enzi vya hukumu hukaa, viti vya enzi vya nyumba ya Daudi.

Wito wa Kuutafutia Yerusalemu Amani 6–9

6
Omba kwa ajili ya amani ya Yerusalemu: “Wote wakupendao na wawe salama.
7
Amani na iwepo ndani ya kuta zako na usalama ndani ya ngome zako.”
8
Kwa ajili ya ndugu zangu na marafiki, nitasema, “Amani iwe ndani yako.”
9
Kwa ajili ya nyumba ya Bwana Mungu wetu, nitatafuta mafanikio yako.

Maandiko ya Biblia: Biblica® Open Kiswahili Contemporary Version (Neno: Bibilia Takatifu)™, © 1984, 1989, 2009, 2015 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.