תְהִלִּיםמ״ג

תחינה להצדקה ולהצלה

א׳
שפטני אלהים וריבה ריבי מגוי לא חסיד מאיש מרמה ועולה תפלטני׃
ב׳
כי אתה אלהי מעוזי למה זנחתני למה קדר אתהלך בלחץ אויב׃

תפילה לאור ולגישה למקדש

ג׳
שלח אורך ואמתך המה ינחוני יביאוני אל הר קדשך ואל משכנותיך׃
ד׳
ואבואה אל מזבח אלהים אל אל שמחת גילי ואודך בכנור אלהים אלהי׃

עידוד לקוות אל האל

ה׳
מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options