תְהִלִּיםקכ״א

העולה לרגל נושא עיניו למרום

א׳
שיר למעלות אשא עיני אל ההרים מאין יבא עזרי׃
ב׳
עזרי מעם יהוה עשה שמים וארץ׃

השומר אינו נרדם

ג׳
אל יתן למוט רגלך אל ינום שמרך׃
ד׳
הנה לא ינום ולא יישן שומר ישראל׃
ה׳
יהוה שמרך יהוה צלך על יד ימינך׃
ו׳
יומם השמש לא יככה וירח בלילה׃

שמירה נצחית ומקיפה

ז׳
יהוה ישמרך מכל רע ישמר את נפשך׃
ח׳
יהוה ישמר צאתך ובואך מעתה ועד עולם׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options