Hausa

Zabura 3

Matsala da ba’ar maƙiya 1–2

1
Zabura ta Dawuda. Sa’ad da ya gudu daga ɗansa Absalom. Ya Ubangiji, abokan gābana nawa ne! Su nawa suke gāba da ni!
2
Da yawa suna magana a kaina suna cewa, “Allah ba zai cece shi ba.” Sela

Dogara ga Allah a matsayin garkuwata 3–4

3
Amma kai ne garkuwa kewaye da ni, ya Ubangiji; ka ba ni ɗaukaka ka kuma ɗaga kaina.
4
Ga Ubangiji na yi kuka mai ƙarfi, ya kuwa amsa mini daga tudunsa mai tsarki. Sela

Barci lafiya a cikin haɗari 5–6

5
Na kwanta na yi barci; na kuma farka, gama Ubangiji yana kiyaye ni.
6
Ba zan ji tsoro ko dubu goma suka ja dāgā gāba da ni a kowane gefe ba.

Addu’ar neman ceton Allah 7–8

7
Ka tashi Ya Ubangiji! Ka cece ni, ya Allahna! Ka bugi dukan abokan gābana a muƙamuƙi; ka kakkarya haƙoran mugaye.
8
Daga wurin Ubangiji ne ceto kan zo. Bari albarkanka yă kasance a kan mutanenka. Sela

Rubutun Littafi Mai Tsarki: Biblica® Open Hausa Contemporary Bible™, © 2009, 2020 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.