Zabura113

Kiran Yabo ga Dukan Mutane Har Abada

1
Yabi Ubangiji. Ku yabe shi, ya ku bayin Ubangiji, ku yabi sunan Ubangiji.
2
Bari a yabi sunan Ubangiji, yanzu da har abada kuma.
3
Daga fitowar rana zuwa inda take fāɗuwa, a yabi sunan Ubangiji.

Girman Allah da Maɗaukakiyarsa da Ba Ya Misaltuwa

4
Ana ɗaukaka Ubangiji a bisa dukan al’ummai, ɗaukakarsa a bisa sammai
5
Wane ne yake kamar Ubangiji Allahnmu, Wannan mai zama a kursiyi can bisa,
6
wanda yake sunkuya yă dubi sammai da duniya?

Kaskantarwar Allah da Kula da Masu Ƙasƙanci

7
Yakan tā da matalauta daga ƙura yakan ɗaga mabukata daga tarin toka;
8
ya zaunar da su tare da sarakuna, tare da sarakunan mutanensu.
9
Yakan zaunar da matar da ba haihuwa a gidanta ta zama kamar mahaifiyar ’ya’ya mai farin ciki. Yabi Ubangiji.
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options