Mimi ndimi ufufuo na uzima

17

Yesu alipowasili huko alikuta Lazaro amekuwa kaburini siku nne.

18

Basi Bethania ulikuwa karibu na Yerusalemu umbali wa karibu maili mbili,

19

na Wayahudi wengi walikuwa wamekuja kuwafariji Martha na Maria kwa ajili ya kufiwa na ndugu yao.

20

Martha aliposikia kwamba Yesu anakuja, alitoka kwenda kumlaki, ila Maria alibaki nyumbani.

21

Martha akamwambia Yesu, “Bwana, kama ungalikuwa hapa, ndugu yangu hangalikufa.

22

Lakini sasa ninajua kuwa chochote utakachomwomba Mungu, atakupa.”

23

Yesu akamwambia, “Ndugu yako atafufuka.”

24

Martha akamjibu, “Ninajua ya kuwa atafufuka wakati wa ufufuo wa wafu siku ya mwisho.”

25

Yesu akamwambia, “Mimi ndiye huo ufufuo na uzima. Yeye aniaminiye mimi, hata akifa atakuwa anaishi

26

na yeyote aishiye na kuniamini hatakufa kabisa hata milele. Je, unasadiki haya?”

27

Martha akamwambia, “Ndiyo Bwana, ninaamini ya kuwa wewe ndiwe Kristo, Mwana wa Mungu, yeye ajaye ulimwenguni.”