Njeriu nuk mund të matet me Perëndinë

Jobi 9:14-21

Si mund t'i përgjigjem, pra, dhe të zgjedh fjalët e mia për të diskutuar me të?

Edhe sikur të kisha të drejtë, nuk do të kisha mundësi t'i përgjigjem, por do t'i kërkoja mëshirë gjyqtarit tim.

Në rast se unë e thërres dhe ai më përgjigjet, nuk mund të besoj akoma se e ka dëgjuar zërin tim,

ai, që më godet me furtunën, dhe i shumëzon plagët e mia pa shkak.

Nuk më lë të marr frymë, përkundrazi më mbush me hidhërime.

Edhe në qoftë se bëhet fjalë për forcën, ja, ai është i fuqishëm; por sa për gjykimin, kush do të më caktojë një ditë për t'u paraqitur?

Edhe sikur të isha i drejtë, vetë të folurit tim do të më dënonte; edhe sikur të isha i ndershëm, ai do të provonte se jam i çoroditur.

Jam i ndershëm, por nuk e çmoj fare veten time dhe e përçmoj jetën time.