गीतरत्न ७:१०-१३
१०
मी माझ्या प्रियकराची आहे, आणि तो माझीच कामना करतो.
११
माझ्या प्रिया, ये, चल, आपण रानावनात जाऊ, गावामध्ये रात्र घालवू.
१२
सकाळीच उठून आपण द्राक्षमळ्यात जाऊ; द्राक्षवेली मोहरल्या आहेत की काय, त्यांना कळ्या आल्यात की काय ते पाहू. डाळिंबाच्या झाडांना फुले आलीत काय ते पाहू. आणि तिथे मी माझ्या प्रीतीचा वर्षाव करेन.
१३
त्या ठिकाणी दुदाफळाचे सुगंध दरवळत असतात, आणि दुर्मिळ फळे आमच्या दाराशीच उपलब्ध होतात नवीन आणि जुनीही फळे, ही सर्व माझ्या प्रियकरासाठी राखून ठेवली आहेत.
Settings