कपटी शत्रूंविरुद्ध तक्रार

स्तोत्रसंहिता १०९:१-५

१

संगीत दिग्दर्शकाकरिता. दावीदाची रचना. एक स्तोत्र. हे माझ्या स्तुतिपात्र परमेश्वरा, तुम्ही मौन धारण करू नका,

२

कारण दुष्ट आणि कपटी लोकांनी माझ्याविरुद्ध त्यांचे मुख उघडले आहे; ते माझ्याविरुद्ध असत्य गोष्टी बोलले आहेत.

३

त्यांनी द्वेषपूर्ण शब्दांचा माझ्यावर वर्षाव केला; विनाकारण ते माझ्यावर हल्ला करतात.

४

माझ्या मैत्रीच्या बदल्यात ते माझ्यावर आरोप करतात, परंतु मी निरंतर प्रार्थना करणारा मनुष्य आहे.

५

ते बर्‍याची फेड वाईटाने करतात आणि प्रीतीच्या मोबदल्यात द्वेष करतात.