תְהִלִּים ע״ז:ז׳-י״ז

ז׳

הלעולמים יזנח אדני ולא יסיף לרצות עוד׃

ח׳

האפס לנצח חסדו גמר אמר לדר ודר׃

ט׳

השכח חנות אל אם קפץ באף רחמיו סלה׃

י׳

ואמר חלותי היא שנות ימין עליון׃

י״א

אזכיר מעללי יה כי אזכרה מקדם פלאך׃

י״ב

והגיתי בכל פעלך ובעלילותיך אשיחה׃

י״ג

אלהים בקדש דרכך מי אל גדול כאלהים׃

י״ד

אתה האל עשה פלא הודעת בעמים עזך׃

ט״ו

גאלת בזרוע עמך בני יעקב ויוסף סלה׃

ט״ז

ראוך מים אלהים ראוך מים יחילו אף ירגזו תהמות׃

י״ז

זרמו מים עבות קול נתנו שחקים אף חצציך יתהלכו׃