תְהִלִּים ע״ב:א׳-י״א

א׳

¶ לשלמה אלהים משפטיך למלך תן וצדקתך לבן מלך׃

ב׳

ידין עמך בצדק וענייך במשפט׃

ג׳

ישאו הרים שלום לעם וגבעות בצדקה׃

ד׳

ישפט עניי עם יושיע לבני אביון וידכא עושק׃

ה׳

ייראוך עם שמש ולפני ירח דור דורים׃

ו׳

ירד כמטר על גז כרביבים זרזיף ארץ׃

ז׳

יפרח בימיו צדיק ורב שלום עד בלי ירח׃

ח׳

וירד מים עד ים ומנהר עד אפסי ארץ׃

ט׳

לפניו יכרעו ציים ואיביו עפר ילחכו׃

י׳

מלכי תרשיש ואיים מנחה ישיבו מלכי שבא וסבא אשכר יקריבו׃

י״א

וישתחוו לו כל מלכים כל גוים יעבדוהו׃