TRV
תְהִלִּים ל״א:א׳-ח׳
א׳
¶ למנצח מזמור לדוד בך יהוה חסיתי אל אבושה לעולם בצדקתך פלטני׃
ב׳
הטה אלי אזנך מהרה הצילני היה לי לצור מעוז לבית מצודות להושיעני׃
ג׳
כי סלעי ומצודתי אתה ולמען שמך תנחני ותנהלני׃
ד׳
תוציאני מרשת זו טמנו לי כי אתה מעוזי׃
ה׳
בידך אפקיד רוחי פדיתה אותי יהוה אל אמת׃
ו׳
שנאתי השמרים הבלי שוא ואני אל יהוה בטחתי׃
ז׳
אגילה ואשמחה בחסדך אשר ראית את עניי ידעת בצרות נפשי׃
ח׳
ולא הסגרתני ביד אויב העמדת במרחב רגלי׃
Settings