תפילה נרגשת לעזרה ולהדרכה

תְהִלִּים כ״ז:ז׳-י״ד

ז׳

שמע יהוה קולי אקרא וחנני וענני׃

ח׳

לך אמר לבי בקשו פני את פניך יהוה אבקש׃

ט׳

אל תסתר פניך ממני אל תט באף עבדך עזרתי היית אל תטשני ואל תעזבני אלהי ישעי׃

י׳

כי אבי ואמי עזבוני ויהוה יאספני׃

י״א

הורני יהוה דרכך ונחני בארח מישור למען שוררי׃

י״ב

אל תתנני בנפש צרי כי קמו בי עדי שקר ויפח חמס׃

י״ג

לולא האמנתי לראות בטוב יהוה בארץ חיים׃

י״ד

קוה אל יהוה חזק ויאמץ לבך וקוה אל יהוה׃

קרא פרק מלא כ״ז

Reading Style

Typeface

Font Size 19px

Reading Width 45 chars

Options