האל מצדיק את הצדיק

תְהִלִּים י״ח:כ׳-ל׳

כ׳

יגמלני יהוה כצדקי כבר ידי ישיב לי׃

כ״א

כי שמרתי דרכי יהוה ולא רשעתי מאלהי׃

כ״ב

כי כל משפטיו לנגדי וחקתיו לא אסיר מני׃

כ״ג

ואהי תמים עמו ואשתמר מעוני׃

כ״ד

וישב יהוה לי כצדקי כבר ידי לנגד עיניו׃

כ״ה

עם חסיד תתחסד עם גבר תמים תתמם׃

כ״ו

עם נבר תתברר ועם עקש תתפתל׃

כ״ז

כי אתה עם עני תושיע ועינים רמות תשפיל׃

כ״ח

כי אתה תאיר נרי יהוה אלהי יגיה חשכי׃

כ״ט

כי בך ארץ גדוד ובאלהי אדלג שור׃

ל׳

האל תמים דרכו אמרת יהוה צרופה מגן הוא לכל החסים בו׃