תְהִלִּים קמ״ח:א׳-י״ב
א׳
¶ הללו יה הללו את יהוה מן השמים הללוהו במרומים׃
ב׳
הללוהו כל מלאכיו הללוהו כל צבאו׃
ג׳
הללוהו שמש וירח הללוהו כל כוכבי אור׃
ד׳
הללוהו שמי השמים והמים אשר מעל השמים׃
ה׳
יהללו את שם יהוה כי הוא צוה ונבראו׃
ו׳
ויעמידם לעד לעולם חק נתן ולא יעבור׃
ז׳
הללו את יהוה מן הארץ תנינים וכל תהמות׃
ח׳
אש וברד שלג וקיטור רוח סערה עשה דברו׃
ט׳
ההרים וכל גבעות עץ פרי וכל ארזים׃
י׳
החיה וכל בהמה רמש וצפור כנף׃
י״א
מלכי ארץ וכל לאמים שרים וכל שפטי ארץ׃
י״ב
בחורים וגם בתולות זקנים עם נערים׃
נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל