תְהִלִּים קמ״ד:ז׳-ט״ו
ז׳
שלח ידיך ממרום פצני והצילני ממים רבים מיד בני נכר׃
ח׳
אשר פיהם דבר שוא וימינם ימין שקר׃
ט׳
אלהים שיר חדש אשירה לך בנבל עשור אזמרה לך׃
י׳
הנותן תשועה למלכים הפוצה את דוד עבדו מחרב רעה׃
י״א
פצני והצילני מיד בני נכר אשר פיהם דבר שוא וימינם ימין שקר׃
י״ב
אשר בנינו כנטעים מגדלים בנעוריהם בנותינו כזוית מחטבות תבנית היכל׃
י״ג
מזוינו מלאים מפיקים מזן אל זן צאוננו מאליפות מרבבות בחוצותינו׃
י״ד
אלופינו מסבלים אין פרץ ואין יוצאת ואין צוחה ברחבתינו׃
ט״ו
אשרי העם שככה לו אשרי העם שיהוה אלהיו׃
נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל