תְהִלִּים קי״ט:צ״ז-ק״ה

צ״ז

מה אהבתי תורתך כל היום היא שיחתי׃

צ״ח

מאיבי תחכמני מצותך כי לעולם היא לי׃

צ״ט

מכל מלמדי השכלתי כי עדותיך שיחה לי׃

ק׳

מזקנים אתבונן כי פקודיך נצרתי׃

ק״א

מכל ארח רע כלאתי רגלי למען אשמר דברך׃

ק״ב

ממשפטיך לא סרתי כי אתה הורתני׃

ק״ג

מה נמלצו לחכי אמרתך מדבש לפי׃

ק״ד

מפקודיך אתבונן על כן שנאתי כל ארח שקר׃

ק״ה

נר לרגלי דברך ואור לנתיבתי׃

קרא פרק מלא קי״ט

Reading Style

Typeface

Font Size 19px

Reading Width 45 chars

Options