תְהִלִּים ק״ו:ל״ד-מ״ב

ל״ד

לא השמידו את העמים אשר אמר יהוה להם׃

ל״ה

ויתערבו בגוים וילמדו מעשיהם׃

ל״ו

ויעבדו את עצביהם ויהיו להם למוקש׃

ל״ז

ויזבחו את בניהם ואת בנותיהם לשדים׃

ל״ח

וישפכו דם נקי דם בניהם ובנותיהם אשר זבחו לעצבי כנען ותחנף הארץ בדמים׃

ל״ט

ויטמאו במעשיהם ויזנו במעלליהם׃

מ׳

ויחר אף יהוה בעמו ויתעב את נחלתו׃

מ״א

ויתנם ביד גוים וימשלו בהם שנאיהם׃

מ״ב

וילחצום אויביהם ויכנעו תחת ידם׃