תפקידה של החכמה בבריאה

מִשְׁלֵי ח׳:כ״ב-ל״א

כ״ב

יהוה קנני ראשית דרכו קדם מפעליו מאז׃

כ״ג

מעולם נסכתי מראש מקדמי ארץ׃

כ״ד

באין תהמות חוללתי באין מעינות נכבדי מים׃

כ״ה

בטרם הרים הטבעו לפני גבעות חוללתי׃

כ״ו

עד לא עשה ארץ וחוצות וראש עפרות תבל׃

כ״ז

בהכינו שמים שם אני בחוקו חוג על פני תהום׃

כ״ח

באמצו שחקים ממעל בעזוז עינות תהום׃

כ״ט

בשומו לים חקו ומים לא יעברו פיו בחוקו מוסדי ארץ׃

ל׳

ואהיה אצלו אמון ואהיה שעשעים יום יום משחקת לפניו בכל עת׃

ל״א

משחקת בתבל ארצו ושעשעי את בני אדם׃