ערכה של החכמה

מִשְׁלֵי ח׳:א׳-י״א

א׳

¶ הלא חכמה תקרא ותבונה תתן קולה׃

ב׳

בראש מרומים עלי דרך בית נתיבות נצבה׃

ג׳

ליד שערים לפי קרת מבוא פתחים תרנה׃

ד׳

אליכם אישים אקרא וקולי אל בני אדם׃

ה׳

הבינו פתאים ערמה וכסילים הבינו לב׃

ו׳

שמעו כי נגידים אדבר ומפתח שפתי מישרים׃

ז׳

כי אמת יהגה חכי ותועבת שפתי רשע׃

ח׳

בצדק כל אמרי פי אין בהם נפתל ועקש׃

ט׳

כלם נכחים למבין וישרים למצאי דעת׃

י׳

קחו מוסרי ואל כסף ודעת מחרוץ נבחר׃

י״א

כי טובה חכמה מפנינים וכל חפצים לא ישוו בה׃