שמור את לבך

מִשְׁלֵי ד׳:כ׳-כ״ז

כ׳

בני לדברי הקשיבה לאמרי הט אזנך׃

כ״א

אל יליזו מעיניך שמרם בתוך לבבך׃

כ״ב

כי חיים הם למצאיהם ולכל בשרו מרפא׃

כ״ג

מכל משמר נצר לבך כי ממנו תוצאות חיים׃

כ״ד

הסר ממך עקשות פה ולזות שפתים הרחק ממך׃

כ״ה

עיניך לנכח יביטו ועפעפיך יישרו נגדך׃

כ״ו

פלס מעגל רגלך וכל דרכיך יכנו׃

כ״ז

אל תט ימין ושמאול הסר רגלך מרע׃

קרא פרק מלא ד׳

Reading Style

Typeface

Font Size 19px

Reading Width 45 chars

Options