TRV
מִשְׁלֵי ט״ז:ט״ז-כ״ד
ט״ז
קנה חכמה מה טוב מחרוץ וקנות בינה נבחר מכסף׃
י״ז
מסלת ישרים סור מרע שמר נפשו נצר דרכו׃
י״ח
לפני שבר גאון ולפני כשלון גבה רוח׃
י״ט
טוב שפל רוח את עניים מחלק שלל את גאים׃
כ׳
משכיל על דבר ימצא טוב ובוטח ביהוה אשריו׃
כ״א
לחכם לב יקרא נבון ומתק שפתים יסיף לקח׃
כ״ב
מקור חיים שכל בעליו ומוסר אולים אולת׃
כ״ג
לב חכם ישכיל פיהו ועל שפתיו יסיף לקח׃
כ״ד
צוף דבש אמרי נעם מתוק לנפש ומרפא לעצם׃
Settings