TRV
מִשְׁלֵי י״ד:א׳-י״א
א׳
¶ חכמות נשים בנתה ביתה ואולת בידיה תהרסנו׃
ב׳
הולך בישרו ירא יהוה ונלוז דרכיו בוזהו׃
ג׳
בפי אויל חטר גאוה ושפתי חכמים תשמורם׃
ד׳
באין אלפים אבוס בר ורב תבואות בכח שור׃
ה׳
עד אמונים לא יכזב ויפיח כזבים עד שקר׃
ו׳
בקש לץ חכמה ואין ודעת לנבון נקל׃
ז׳
לך מנגד לאיש כסיל ובל ידעת שפתי דעת׃
ח׳
חכמת ערום הבין דרכו ואולת כסילים מרמה׃
ט׳
אולים יליץ אשם ובין ישרים רצון׃
י׳
לב יודע מרת נפשו ובשמחתו לא יתערב זר׃
י״א
בית רשעים ישמד ואהל ישרים יפריח׃
Settings