TRV
בְּמִדְבַּר ו׳:א׳-ח׳
א׳
¶ וידבר יהוה אל משה לאמר׃
ב׳
דבר אל בני ישראל ואמרת אלהם איש או אשה כי יפלא לנדר נדר נזיר להזיר ליהוה׃
ג׳
מיין ושכר יזיר חמץ יין וחמץ שכר לא ישתה וכל משרת ענבים לא ישתה וענבים לחים ויבשים לא יאכל׃
ד׳
כל ימי נזרו מכל אשר יעשה מגפן היין מחרצנים ועד זג לא יאכל׃
ה׳
כל ימי נדר נזרו תער לא יעבר על ראשו עד מלאת הימם אשר יזיר ליהוה קדש יהיה גדל פרע שער ראשו׃
ו׳
כל ימי הזירו ליהוה על נפש מת לא יבא׃
ז׳
לאביו ולאמו לאחיו ולאחתו לא יטמא להם במתם כי נזר אלהיו על ראשו׃
ח׳
כל ימי נזרו קדש הוא ליהוה׃
Settings