מרים נענשת ונרפאת

בְּמִדְבַּר י״ב:י׳-ט״ז

י׳

והענן סר מעל האהל והנה מרים מצרעת כשלג ויפן אהרן אל מרים והנה מצרעת׃

י״א

ויאמר אהרן אל משה בי אדני אל נא תשת עלינו חטאת אשר נואלנו ואשר חטאנו׃

י״ב

אל נא תהי כמת אשר בצאתו מרחם אמו ויאכל חצי בשרו׃

י״ג

ויצעק משה אל יהוה לאמר אל נא רפא נא לה׃

י״ד

ויאמר יהוה אל משה ואביה ירק ירק בפניה הלא תכלם שבעת ימים תסגר שבעת ימים מחוץ למחנה ואחר תאסף׃

ט״ו

ותסגר מרים מחוץ למחנה שבעת ימים והעם לא נסע עד האסף מרים׃

ט״ז

ואחר נסעו העם מחצרות ויחנו במדבר פארן׃