נחמיה ג׳:א׳-ה׳

א׳

¶ ויקם אלישיב הכהן הגדול ואחיו הכהנים ויבנו את שער הצאן המה קדשוהו ויעמידו דלתתיו ועד מגדל המאה קדשוהו עד מגדל חננאל׃

ב׳

ועל ידו בנו אנשי ירחו ועל ידו בנה זכור בן אמרי׃

ג׳

ואת שער הדגים בנו בני הסנאה המה קרוהו ויעמידו דלתתיו מנעוליו ובריחיו׃

ד׳

ועל ידם החזיק מרמות בן אוריה בן הקוץ ועל ידם החזיק משלם בן ברכיה בן משיזבאל ועל ידם החזיק צדוק בן בענא׃

ה׳

ועל ידם החזיקו התקועים ואדיריהם לא הביאו צורם בעבדת אדניהם׃