TRV
מִיכָה ב׳:ו׳-י״א
ו׳
אל תטפו יטיפון לא יטפו לאלה לא יסג כלמות׃
ז׳
האמור בית יעקב הקצר רוח יהוה אם אלה מעלליו הלוא דברי ייטיבו עם הישר הולך׃
ח׳
ואתמול עמי לאויב יקומם ממול שלמה אדר תפשטון מעברים בטח שובי מלחמה׃
ט׳
נשי עמי תגרשון מבית תענגיה מעל עלליה תקחו הדרי לעולם׃
י׳
קומו ולכו כי לא זאת המנוחה בעבור טמאה תחבל וחבל נמרץ׃
י״א
לו איש הלך רוח ושקר כזב אטף לך ליין ולשכר והיה מטיף העם הזה׃
Settings