הַבְּשׂוֹרָה הַקְּדוֹשָׁה עַל־פִּי מַתַּי כ״ח:י״א-י״ז

י״א

ויהי בלכתן והנה אנשים מן המשמר באו העירה ויגידו לראשי הכהנים את כל הנעשה׃

י״ב

ויקהלו עם הזקנים ויתיעצו ויתנו כסף לרב אל אנשי הצבא לאמר׃

י״ג

אמרו כי באו תלמידיו לילה ויגנבו אותו בהיותנו ישנים׃

י״ד

ואם ישמע הדבר לפני ההגמון אנחנו נפיסהו והייתם בלי פחד׃

ט״ו

ויקחו את הכסף ויעשו כאשר למדו ותצא השמועה הזאת בין היהודים עד היום הזה׃

ט״ז

ועשתי עשר התלמידים הלכו הגלילה אל ההר אשר צום ישוע׃

י״ז

ויהי כראותם אתו וישתחוו לו ומקצתם נחלקו בלבם׃