הודאת פטרוס במשיח

י״ג

ויהי כבוא ישוע אל גלילות קיסרין של פילפוס וישאל את תלמידיו לאמר מה אמרים האנשים עלי מי הוא בן האדם׃

י״ד

ויאמרו יש אמרים יוחנן המטביל הוא ואחרים אמרים אליהו ויש אמרים ירמיהו או אחד מן הנביאים׃

ט״ו

ויאמר אליהם ואתם מה תאמרו מי אני׃

ט״ז

ויען שמעון פטרוס ויאמר אתה הוא המשיח בן אלהים חיים׃

י״ז

ויען ויאמר אליו אשריך שמעון בר יונה כי בשר ודם לא גלה לך את זאת כי אם אבי שבשמים׃

י״ח

ואף אני אמר אליך כי אתה פטרוס ועל הסלע הזה אבנה את קהלתי ושערי שאול לא יגברו עליה׃

י״ט

ואתן לך את מפתחות מלכות השמים וכל אשר תאסר על הארץ אסור יהיה בשמים וכל אשר תתיר על הארץ מתר יהיה בשמים׃

כ׳

אז צוה את התלמידים בגערה לבלתי הגיד לאיש כי הוא ישוע המשיח׃