סנט מארק ו׳:ל״ז-מ״ד

ל״ז

ויען ויאמר אליהם תנו אתם להם לאכלה ויאמרו אליו הנלך לקנות לחם במאתים דינר ונתן להם לאכלה׃

ל״ח

ויאמר אליהם כמה ככרות לחם יש לכם לכו וראו וידעו ויאמרו חמש ושני דגים׃

ל״ט

ויצו אותם לשבת כלם חברה חברה לבדה על ירק הדשא׃

מ׳

וישבו להם שורות שורות למאות ולחמשים׃

מ״א

ויקח את חמשת ככרות הלחם ואת שני הדגים וישא עיניו השמימה ויברך ויפרס את הלחם ויתן לתלמידיו לשום לפניהם ואת שני הדגים חלק לכלם׃

מ״ב

ויאכלו כלם וישבעו׃

מ״ג

וישאו מן הפתותים מלוא סלים שנים עשר וגם מן הדגים׃

מ״ד

והאכלים מן הלחם היו כחמשת אלפי איש׃