הבְּשׂוֹרָה הַקְּדוֹשָׁה עַל־פִּי לוּקָס כ״ד:ל״ג-מ״א

ל״ג

ויקומו בשעה ההיא וישובו ירושלים וימצאו את עשתי העשר ואת אשר אתם נקהלים יחד׃

ל״ד

האמרים אכן קם האדון מן המתים ונראה אל שמעון׃

ל״ה

ויספרו גם הם את אשר נעשה להם בדרך ואיך הכירהו בבציעת הלחם׃

ל״ו

עודם מדברים כדברים האלה והוא ישוע עמד בתוכם ויאמר אליהם שלום לכם׃

ל״ז

והמה חתו ונבעתו ויחשבו כי רוח ראו׃

ל״ח

ויאמר אליהם מה זה אתם נבהלים ועל מה זה מחשבות עלות בלבבכם׃

ל״ט

ראו את ידי ואת רגלי כי אנכי הוא משוני וראו כי רוח אין לו בשר ועצמות כאשר אתם ראים שיש לי׃

מ׳

ואחרי אמרו את זאת הראה אתם את ידיו ואת רגליו׃

מ״א

והם עוד לא האמינו משמחה ותמהו ויאמר אליהם היש לכם פה דבר אכל׃