וַיִּקְרָא ט׳:ח׳-ט״ו

ח׳

ויקרב אהרן אל המזבח וישחט את עגל החטאת אשר לו׃

ט׳

ויקרבו בני אהרן את הדם אליו ויטבל אצבעו בדם ויתן על קרנות המזבח ואת הדם יצק אל יסוד המזבח׃

י׳

ואת החלב ואת הכלית ואת היתרת מן הכבד מן החטאת הקטיר המזבחה כאשר צוה יהוה את משה׃

י״א

ואת הבשר ואת העור שרף באש מחוץ למחנה׃

י״ב

וישחט את העלה וימצאו בני אהרן אליו את הדם ויזרקהו על המזבח סביב׃

י״ג

ואת העלה המציאו אליו לנתחיה ואת הראש ויקטר על המזבח׃

י״ד

וירחץ את הקרב ואת הכרעים ויקטר על העלה המזבחה׃

ט״ו

ויקרב את קרבן העם ויקח את שעיר החטאת אשר לעם וישחטהו ויחטאהו כראשון׃