דרישות גופניות לעבודת הכהונה

וַיִּקְרָא כ״א:ט״ז-כ״ד

ט״ז

וידבר יהוה אל משה לאמר׃

י״ז

דבר אל אהרן לאמר איש מזרעך לדרתם אשר יהיה בו מום לא יקרב להקריב לחם אלהיו׃

י״ח

כי כל איש אשר בו מום לא יקרב איש עור או פסח או חרם או שרוע׃

י״ט

או איש אשר יהיה בו שבר רגל או שבר יד׃

כ׳

או גבן או דק או תבלל בעינו או גרב או ילפת או מרוח אשך׃

כ״א

כל איש אשר בו מום מזרע אהרן הכהן לא יגש להקריב את אשי יהוה מום בו את לחם אלהיו לא יגש להקריב׃

כ״ב

לחם אלהיו מקדשי הקדשים ומן הקדשים יאכל׃

כ״ג

אך אל הפרכת לא יבא ואל המזבח לא יגש כי מום בו ולא יחלל את מקדשי כי אני יהוה מקדשם׃

כ״ד

וידבר משה אל אהרן ואל בניו ואל כל בני ישראל׃