שֹׁפְטִים ה׳:ג׳

מציג את פסוק ג׳ עם ההקשר הסובב.

א׳

¶ ותשר דבורה וברק בן אבינעם ביום ההוא לאמר׃

ב׳

בפרע פרעות בישראל בהתנדב עם ברכו יהוה׃

ג׳

שמעו מלכים האזינו רזנים אנכי ליהוה אנכי אשירה אזמר ליהוה אלהי ישראל׃

ד׳

יהוה בצאתך משעיר בצעדך משדה אדום ארץ רעשה גם שמים נטפו גם עבים נטפו מים׃

ה׳

הרים נזלו מפני יהוה זה סיני מפני יהוה אלהי ישראל׃

ו׳

בימי שמגר בן ענת בימי יעל חדלו ארחות והלכי נתיבות ילכו ארחות עקלקלות׃