שֹׁפְטִים י״ד:י׳-י״ד

י׳

וירד אביהו אל האשה ויעש שם שמשון משתה כי כן יעשו הבחורים׃

י״א

ויהי כראותם אותו ויקחו שלשים מרעים ויהיו אתו׃

י״ב

ויאמר להם שמשון אחודה נא לכם חידה אם הגד תגידו אותה לי שבעת ימי המשתה ומצאתם ונתתי לכם שלשים סדינים ושלשים חלפת בגדים׃

י״ג

ואם לא תוכלו להגיד לי ונתתם אתם לי שלשים סדינים ושלשים חליפות בגדים ויאמרו לו חודה חידתך ונשמענה׃

י״ד

ויאמר להם מהאכל יצא מאכל ומעז יצא מתוק ולא יכלו להגיד החידה שלשת ימים׃