שֹׁפְטִים י״א:כ״ט-ל״ג

כ״ט

ותהי על יפתח רוח יהוה ויעבר את הגלעד ואת מנשה ויעבר את מצפה גלעד וממצפה גלעד עבר בני עמון׃

ל׳

וידר יפתח נדר ליהוה ויאמר אם נתון תתן את בני עמון בידי׃

ל״א

והיה היוצא אשר יצא מדלתי ביתי לקראתי בשובי בשלום מבני עמון והיה ליהוה והעליתהו עולה׃

ל״ב

ויעבר יפתח אל בני עמון להלחם בם ויתנם יהוה בידו׃

ל״ג

ויכם מערוער ועד בואך מנית עשרים עיר ועד אבל כרמים מכה גדולה מאד ויכנעו בני עמון מפני בני ישראל׃