יוֹנָה א׳:ג׳

מציג את פסוק ג׳ עם ההקשר הסובב.

א׳

¶ ויהי דבר יהוה אל יונה בן אמתי לאמר׃

ב׳

קום לך אל נינוה העיר הגדולה וקרא עליה כי עלתה רעתם לפני׃

ג׳

ויקם יונה לברח תרשישה מלפני יהוה וירד יפו וימצא אניה באה תרשיש ויתן שכרה וירד בה לבוא עמהם תרשישה מלפני יהוה׃

ד׳

ויהוה הטיל רוח גדולה אל הים ויהי סער גדול בים והאניה חשבה להשבר׃

ה׳

וייראו המלחים ויזעקו איש אל אלהיו ויטלו את הכלים אשר באניה אל הים להקל מעליהם ויונה ירד אל ירכתי הספינה וישכב וירדם׃

ו׳

ויקרב אליו רב החבל ויאמר לו מה לך נרדם קום קרא אל אלהיך אולי יתעשת האלהים לנו ולא נאבד׃