ג'ון ט׳:ל״ה-מ״א

ל״ה

וישמע ישוע כי הדפהו החוצה ויפגשהו ויאמר אליו התאמין בבן האדם׃

ל״ו

ויען ויאמר מי הוא זה אדני למען אאמין בו׃

ל״ז

ויאמר אליו ישוע הן ראית אתו והמדבר אליך הנה זה הוא׃

ל״ח

ויאמר אני מאמין אדני וישתחו לו׃

ל״ט

ויאמר ישוע אני לדין באתי לעולם הזה למען יראו העורים והראים יכו בעורון׃

מ׳

ואשר היו עמו מן הפרושים שמעו דבריו ויאמרו אליו הגם אנחנו עורים׃

מ״א

ויאמר אליהם אם עורים הייתם לא היה בכם חטא ועתה כי אמרתם פקחים אנחנו חטאתכם תעמד׃