האישה שנתפסה בניאוף

ג'ון ח׳:ב׳-י״א

ב׳

ויהי בבקר ויבא עוד אל המקדש וכל העם באו אליו וישב וילמדם׃

ג׳

ויביאו הסופרים והפרושים אשה לפניו אשר נתפשה בשטותה ויעמידוה בתוך׃

ד׳

ויאמרו אליו רבי האשה הזאת נתפשה כשנטמאת בנאופיה׃

ה׳

ומשה צונו בתורה לסקל נשים כאלה ואתה מה תאמר׃

ו׳

ואך לנסות אתו דברו זאת למצא עליו שטנה ויכף ישוע למטה ויתו באצבעו על הקרקע׃

ז׳

ויהי כאשר הוסיפו לשאל אתו וישא את עיניו ויאמר אליהם מי בכם זך בלי פשע הוא ראשונה ידה בה אבן׃

ח׳

ויכף שנית למטה ויתו על הקרקע׃

ט׳

ויהי כשמעם ויך לבם אתם ויצאו אחד אחד החוצה החל מן הזקנים ועד האחרונים ויותר ישוע לבדו והאשה נצבת בתוך׃

י׳

וישא ישוע את עיניו וירא כי אין איש בלתי האשה לבדה ויאמר אליה אשה איפה שטניך הכי הרשיעך איש׃

י״א

ותאמר לא אדני ויאמר לכן גם אני לא ארשיעך לכי לדרכך ואל תחטאי עוד׃