ישוע מלמד במקדש

י״ד

ויהי בחצי ימי החג עלה ישוע אל המקדש וילמד׃

ט״ו

ויתמהו היהודים ויאמרו איך ידע זה ספר והוא לא למד׃

ט״ז

ויען אתם ישוע ויאמר לקחי לא שלי הוא כי אם לאשר שלחני׃

י״ז

האיש החפץ לעשות רצונו ידע לקחי אם מאת אלהים הוא ואם מנפשי אדבר׃

י״ח

המדבר מנפשי כבוד עצמו יבקש אבל המבקש כבוד שלחו נאמן הוא ואין עולתה בו׃

י״ט

הלא משה נתן לכם את התורה ואין איש מכם עשה התורה מדוע תבקשו להרגני׃

כ׳

ויען העם ויאמר שד בקרבך מי מבקש להרגך׃

כ״א

ויען ישוע ויאמר להם פעלה אחת פעלתי וכלכם עליה תתמהו׃

כ״ב

משה נתן לכם המילה אך לא ממשה היא כי אם מן האבות וביום השבת תמולו כל זכר׃

כ״ג

ועתה אם ימול זכר בשבת למען אשר לא תופר תורת משה מה תקצפו עלי כי רפאתי איש כלו בשבת׃

כ״ד

אל תשפטו למראה עין כי אם משפט צדק שפטו׃