תפילת הנביא ויום ה׳

יוֹאֵל א׳:ט״ו-כ׳

ט״ו

אהה ליום כי קרוב יום יהוה וכשד משדי יבוא׃

ט״ז

הלוא נגד עינינו אכל נכרת מבית אלהינו שמחה וגיל׃

י״ז

עבשו פרדות תחת מגרפתיהם נשמו אצרות נהרסו ממגרות כי הביש דגן׃

י״ח

מה נאנחה בהמה נבכו עדרי בקר כי אין מרעה להם גם עדרי הצאן נאשמו׃

י״ט

אליך יהוה אקרא כי אש אכלה נאות מדבר ולהבה להטה כל עצי השדה׃

כ׳

גם בהמות שדה תערוג אליך כי יבשו אפיקי מים ואש אכלה נאות המדבר׃

קרא פרק מלא א׳

Reading Style

Typeface

Font Size 19px

Reading Width 45 chars

Options