אִיּוֹב כ׳:י׳-כ״ב

י׳

בניו ירצו דלים וידיו תשבנה אונו׃

י״א

עצמותיו מלאו עלומו ועמו על עפר תשכב׃

י״ב

אם תמתיק בפיו רעה יכחידנה תחת לשונו׃

י״ג

יחמל עליה ולא יעזבנה וימנענה בתוך חכו׃

י״ד

לחמו במעיו נהפך מרורת פתנים בקרבו׃

ט״ו

חיל בלע ויקאנו מבטנו יורשנו אל׃

ט״ז

ראש פתנים יינק תהרגהו לשון אפעה׃

י״ז

אל ירא בפלגות נהרי נחלי דבש וחמאה׃

י״ח

משיב יגע ולא יבלע כחיל תמורתו ולא יעלס׃

י״ט

כי רצץ עזב דלים בית גזל ולא יבנהו׃

כ׳

כי לא ידע שלו בבטנו בחמודו לא ימלט׃

כ״א

אין שריד לאכלו על כן לא יחיל טובו׃

כ״ב

במלאות שפקו יצר לו כל יד עמל תבואנו׃