TRV
יִרְמְיָהוּ מ״ח:מ׳-מ״ז
מ׳
כי כה אמר יהוה הנה כנשר ידאה ופרש כנפיו אל מואב׃
מ״א
נלכדה הקריות והמצדות נתפשה והיה לב גבורי מואב ביום ההוא כלב אשה מצרה׃
מ״ב
ונשמד מואב מעם כי על יהוה הגדיל׃
מ״ג
פחד ופחת ופח עליך יושב מואב נאם יהוה׃
מ״ד
הניס מפני הפחד יפל אל הפחת והעלה מן הפחת ילכד בפח כי אביא אליה אל מואב שנת פקדתם נאם יהוה׃
מ״ה
בצל חשבון עמדו מכח נסים כי אש יצא מחשבון ולהבה מבין סיחון ותאכל פאת מואב וקדקד בני שאון׃
מ״ו
אוי לך מואב אבד עם כמוש כי לקחו בניך בשבי ובנתיך בשביה׃
מ״ז
ושבתי שבות מואב באחרית הימים נאם יהוה עד הנה משפט מואב׃
Settings