TRV
יִרְמְיָהוּ מ״ח:כ״ט-ל״ט
כ״ט
שמענו גאון מואב גאה מאד גבהו וגאונו וגאותו ורם לבו׃
ל׳
אני ידעתי נאם יהוה עברתו ולא כן בדיו לא כן עשו׃
ל״א
על כן על מואב איליל ולמואב כלה אזעק אל אנשי קיר חרש יהגה׃
ל״ב
מבכי יעזר אבכה לך הגפן שבמה נטישתיך עברו ים עד ים יעזר נגעו על קיצך ועל בצירך שדד נפל׃
ל״ג
ונאספה שמחה וגיל מכרמל ומארץ מואב ויין מיקבים השבתי לא ידרך הידד הידד לא הידד׃
ל״ד
מזעקת חשבון עד אלעלה עד יהץ נתנו קולם מצער עד חרנים עגלת שלשיה כי גם מי נמרים למשמות יהיו׃
ל״ה
והשבתי למואב נאם יהוה מעלה במה ומקטיר לאלהיו׃
ל״ו
על כן לבי למואב כחללים יהמה ולבי אל אנשי קיר חרש כחלילים יהמה על כן יתרת עשה אבדו׃
ל״ז
כי כל ראש קרחה וכל זקן גרעה על כל ידים גדדת ועל מתנים שק׃
ל״ח
על כל גגות מואב וברחבתיה כלה מספד כי שברתי את מואב ככלי אין חפץ בו נאם יהוה׃
ל״ט
איך חתה הילילו איך הפנה ערף מואב בוש והיה מואב לשחק ולמחתה לכל סביביו׃
Settings