קריאתו של ירמיהו

יִרְמְיָהוּ א׳:ד׳-י׳

ד׳

ויהי דבר יהוה אלי לאמר׃

ה׳

בטרם אצורך בבטן ידעתיך ובטרם תצא מרחם הקדשתיך נביא לגוים נתתיך׃

ו׳

ואמר אהה אדני יהוה הנה לא ידעתי דבר כי נער אנכי׃

ז׳

ויאמר יהוה אלי אל תאמר נער אנכי כי על כל אשר אשלחך תלך ואת כל אשר אצוך תדבר׃

ח׳

אל תירא מפניהם כי אתך אני להצלך נאם יהוה׃

ט׳

וישלח יהוה את ידו ויגע על פי ויאמר יהוה אלי הנה נתתי דברי בפיך׃

י׳

ראה הפקדתיך היום הזה על הגוים ועל הממלכות לנתוש ולנתוץ ולהאביד ולהרוס לבנות ולנטוע׃