ירושלים נקראת לשיקום

יְשַׁעְיָהוּ נ״ב:א׳-ו׳

א׳

¶ עורי עורי לבשי עזך ציון לבשי בגדי תפארתך ירושלם עיר הקדש כי לא יוסיף יבא בך עוד ערל וטמא׃

ב׳

התנערי מעפר קומי שבי ירושלם התפתחו מוסרי צוארך שביה בת ציון׃

ג׳

כי כה אמר יהוה חנם נמכרתם ולא בכסף תגאלו׃

ד׳

כי כה אמר אדני יהוה מצרים ירד עמי בראשנה לגור שם ואשור באפס עשקו׃

ה׳

ועתה מה לי פה נאם יהוה כי לקח עמי חנם משלו יהילילו נאם יהוה ותמיד כל היום שמי מנאץ׃

ו׳

לכן ידע עמי שמי לכן ביום ההוא כי אני הוא המדבר הנני׃